Бөтә яңылыҡтар
Һайлау - 2019
8 Сентябрь 2019, 13:46

Юлдыбайҙар ҙа әүҙемдәр

Райондағы иң ҙур ауылдарҙың береһе – Юлдыбайҙа ла һайлау бик әүҙем бара. Ғәҙәттәгесә, тауыш биреүгә иң беренселәрҙән оло быуын вәкилдәре йөрөй. Мәҫәлән, ауылдың абруйлы һәм актив ағинәйҙәре 86 йәшлек Әминә Ғатаулла ҡыҙы Игликова менән 78 йәшлек Фәриғә Басир ҡыҙы Мифтаховалар бер һайлауҙы ла ҡалдырғандары юҡ икән.
– Үҙебеҙҙең һәм балаларыбыҙҙың киләсәген һайлайбыҙ, шулай булғас, нисек өйҙә түҙеп ултырмаҡ кәрәк, – ти байрамса кейенеп, күтәренке кәйеф менән 2009-сы һайлау участкаһына килгән инәйҙәр.