Бөтә яңылыҡтар
Яңылыҡтар
23 Сентябрь 2019, 16:31

Индияла өс ҡуллы, дүрт аяҡлы бала тыуған

India Times Post порталы һәм Daily Mail Британия гәзите хәбәр итеүенсә, Индияның Раджастан штатында өс ҡуллы һәм дүрт аяҡлы ҡыҙ донъяға килгән.Шул уҡ нәшриәт билдәләүенсә, ҡыҙҙың игеҙәге – малай һап-һау булып тыуған. Табиптар фаразлауынса, әсә ҡарынында өс игеҙ яралғы булған, әммә ике яралғы ҡушылып, йәбешеп үҫешкән, булырға тейеш. Әсә кеше ауырға ҡалғандан алып бер ҙә УЗИ үтмәгән була. Шуға ла, табиптар был хаҡта белмәй ҡала.

Медиктар билдәләүенсә, сабый тыуғас та тын юлы менән бәйле проблемалар була, әммә улар хәҙер хәл ителгән. Табиптар баланы икенсе госпиталгә юллаған, унда уның артыҡ тән ағзаларын алып ташлау буйынса операция яһаясаҡтар. Операция яҡшы тамамланһа, яңы тыуған сабыйҙың ғүмеренә инде бер ни янамаясаҡ, ти медиктар.