Алға, «Юлдаш»! Алға, “Орлан”!

...ошо ике ваҡиғаны бергә берләштереп, бер ыңғай тиҙ йөрөшлө поездың уңайлыҡтарын да үҙҙәрендә һынап ҡарамаҡ булып, 27-һендә “Орлан”да Өфөнән Ырымбурға юлланырға тора. Юлда һәм Ырымбурҙа күргәндәрен улар, әлбиттә, тыңлаусыларына, подписчиктарына һәм телетамашасыларына һөйләйәсәк. Ә 28-е иртәнсәк “Теге өсәү” Ырымбурҙан эфирға сығасаҡ.

Ырымбуо өлкәһендә “Юлдаш” радиоһының ике тапшырғысы урынлаштырылған, береһе – Ҡыуандыҡта, икенсеһе, Красногвардейск районының Плешаново ауылында.

“Бында беҙҙең радионы тыңлаусылар күп, – тиҙәр “юлдаш”тар. – Улар менән күптән осрашып һөйләшкебеҙ килә ине. Радио коллективы менән бергә БСТ-ының да төшөрөү төркөмө бара, төбәктең ҡыҙыҡлы кешеләре, телебеҙҙе, ғөрөф-ғәҙәттәребеҙҙе һаҡлап ҡалыу өсөн күп нәмәләр эшләгән үҙ халҡының патриоттары тураһында тапшырыуҙар төшөрөргә мөмкинлек буласаҡ.

Беҙ барлыҡ социаль селтәрҙәрҙә, радио һәм телеэфирҙа сығасаҡбыҙ. Был сәфәр тыңлаусылар өсөн дә, радиостанция коллективы өсөн дә яңы офоҡтар асыр, яңы дуҫтар табышыр, берләштерер, ошондай еңел булмаған ваҡытта оптимизм өҫтәр, тип ышанабыҙ. Алға!”