+25 °С
Болотло
Стәрлетамаҡ районы Яңы Отрадовка ауылы мәктәбендә 13 сентябрҙә иртән дәрес ваҡытында 46 йәшлек физкультура һәм ОБЖ уҡытыусының хәле насарайған. «Башинформ» агентлығына Дәүләт хеҙмәт инспекцияһынан хәбәр итеүҙәренсә, «уҡытыусы тренерҙар бүлмәһендә документтар тултырып ултырған; ниндәйҙер мәлдә ул аңын юғалта башлаған һәм ултырғыстан йығылып төшкән».
«Полиция хеҙмәткәрҙәре ваҡиға урынына юлланған. Суд-медицина экспертизаһы һөҙөмтәләре буйынса, уҡытыусының үлеме криминаль характерҙа түгел», — тип белдерҙеләр Башҡортостан Республикаһы буйынса Эске эштәр министрлығының матбуғат хеҙмәтендә.
Яҡынса мәғлүмәттәр буйынса, уҡытыусы йөрәк хәлһеҙлегенән үлгән.