Районда өсөнсө тапҡыр экстрим-тур үтте

21-22 февраль көндәрендә йола буйынса беҙҙең районда өсөнсө тапҡыр «Яманташ» экстрим-туры үтте. Был сараның маҡсаты экстремалдарҙы районыбыҙҙың ҡырағай тәбиғәте менән мөмкин тиклем яҡынданыраҡ таныштырыу, районыбыҙҙың туристик мөмкинлектәргә бай булыуын күрһәтеү ине.

Сараның маршруты Иҫке Яҡуп ауылынан юлдыбайға тиклемге арауыҡ булды. Был маршрутты экстрим-турҙа ҡатнашыусылар республикала ғына түгел, унан ситтә йәшәүселәр өсөн дә киң билдәлелек яулаған Яманташ тауы аша үтте.