Субсидиялар бүлеү тәртибе яңыртылды

Башҡортостан хөкүмәте ауыл хужалығы техникаһы һәм ҡорамалдары һатып алыуға сығымдарҙың бер өлөшөн ҡаплау өсөн республика бюджетынан субсидиялар биреү тәртибенә үҙгәрештәр индерҙе.

Субсидиялар биреү шарттары һәм тәртибе 2025 йылдың 1 ғинуарына тиклем ғәмәлдә ҡала. Документ тексы рәсми хоҡуҡи мәғлүмәт интернет-порталында бар.

Иҫегеҙгә төшөрәбеҙ, субсидиялар ауыл хужалығы тауарҙары етештереүселәргә, ауыл хужалығы һәм ҡулланыусылар кооперативтарына, шәхси эшҡыуарҙарға йөк машиналары, ҡорамалдар, комбайндар һатып алыу өсөн бирелә.