Игендең хәүефһеҙлеге раҫланырға тейеш

Иген партияһының хәүефһеҙлеген раҫлаусы төп документ булып, әйләнешкә сығарылған продукцияның таможня союзының техник регламенты талаптарына тап килеүен билдәләгән ТР ТС 015/2011 “Иген хәүефһеҙлеге тураһында” ярашлылыҡ декларацияһы тора.

Декларация – продукцияның билдәләнгән нормаларға һәм ҡағиҙәләргә тап килеүен раҫлаусы документ. Декларация ваҡытында ғариза биреүсе продукцияның хәүефһеҙлеген иҫбатлаусы дәлилдәр йыя һәм Евразия иҡтисади союзы реестрына индерелгән аккредитацияланған һынау лабораторияһында тикшеренеүҙәр үткәрә. Был документта номер, теркәлеү датаһы, ғәмәлдә булыу ваҡыты, ғариза биреүсенең, етештереүсенең исеме, продукция тураһында мәғлүмәт бар, шулай уҡ декларация ҡабул ителгән һынау протоколдарының номеры һәм датаһы тураһында яҙыла. Росаккредитация сайтында ярашлылыҡ тураһында декларацияларҙың ябай һәм уңайлы электрон реестрын файҙаланып, тәҡдим ителгән документтың дөрөҫлөгөнә инаныу еңел.

Бынан тыш, килешеү тураһында декларация мотлаҡ рәүештә СДИЗ тип аталған тауар үткәргес документында яҙылырға тейеш, ул ФГИС “Зерно” Федераль дәүләт мәғлүмәт системаһында рәсмиләштерелә һәм иген партияһының баҫыуҙан ҡулланыусыға тиклем күҙәтелеүен тәьмин итә. Россельхознадзорҙың Башҡортостан Республикаһы буйынса идаралығының дәүләт инспекторҙары 2025 йылдың 9 айында контроль - күҙәтеү саралары барышында иген хәүефһеҙлеге тураһында таможня союзының техник регламентын боҙоп ҡабул ителгән 199 декларацияны асыҡлай. улар Бындай декларацияларҙы тейәлгән игенгә документтарҙы тикшереү барышында асыҡлау һәм ғәмәлдән сығарыу осраҡтары йыш булғылай. Транспорт сараһыныңартабанғы хәрәкәтен туҡтатыу һәм иген продукцияһын яңынан декларациялау кәрәклеге хужалар өсөн өҫтәмә сығымдар талап итә.

Айырым иғтибарҙы әйләнешкә сығарылған һәм декларация формаһындағы тап килеүҙе баһалау (раҫлау) процедураларын үтмәгән игендең кеше һәм мал-тыуарҙың ғүмеренә һәм һаулығына, шулай уҡ тирә-яҡ мөхиткә зыян килтереүе мөмкинлегенә йүнәлтергә теләйем. Игендең тап килеүен раҫлау менән бәйле мәсьәләләр буйынса аңлатмалар, шулай уҡ ил эсендә һәм экспортҡа иген ебәреүҙә талаптар буйынса үҫемлектәр карантины, иген сифатын контролдә тотоу һәм орлоҡ контроле бүлегенә мөрәжәғәт итергә кәңәш итәбеҙ. Телефоны: 8 347 232 91 92.

Хәлил Ураҙгилдин, Россельхознадзорҙың Башҡортостан Республикаһы Буйынса идаралығының үҫемлектәр карантины, иген сифаты һәм орлоҡ контроле бүлегенең дәүләт инспекторы.

Фото редакция архивынан алынды.