Ямғырлы көндәргә ҡарамаҫтан, республикала ураҡ эштәре йылдам бара

Ауыл хужалығы министрлығынанан хәбәр итеүҙәренсә, иген һәм ҡуҙаҡлы иген культуралары баҫыуҙарының өстән бер өлөшөнән ашыуы йыйып алынған.
Тулайым йыйым яҡынса 1 миллион 500 мең тоннаға еткән. Ауыл хужалығын заманса техника менән тәьмин итеү яҡшы һөҙөмтәләргә ирешергә мөмкинлек бирә. Машина-технология компанияһы төп роль уйнай, уның паркында бөгөн 270-тән ашыу берәмек техника бар. Уларҙың барыһы ла тиерлек республика райондарында урып-йыйыу эштәренә йәлеп ителгән. Машина-технология компанияһы Башҡортостандың һәм Росагролизингтың уртаҡ эш һөҙөмтәһе. Республика Рәсәйҙең был компанияһы эшләй башлаған тәүге төбәге.