Бөгөн һаулыҡ мөмкинлектәре сикле балалар өсөн Шыршы байрамы уҙҙы

Район хакимиәте башлығы Борис Николаевич Мелкоедов тамаша ҡылырға килгән балаларҙы һәм уларҙың ата –әсәләрен яҡынлашып килгән Яңы йыл менән ҡотлап, һаулыҡ, оҙон ғүмер, шатлыҡ-ҡыуаныстар һәм алдағы йылда көтөлмәгән күңелле мәлдәрҙең күп булыуын теләне.

Кескәй дуҫтарыбыҙ мәҙәниәт йорто хеҙмәткәрҙәре әҙерләгән байрам тамашаһын ҡараны, ҡупшыҡай шыршыны уратып әйлән-бәйлән өйрөлдө. Һәр кем Ҡыш бабай менән Ҡарһылыуға үҙ һөнәрен күрһәтергә ашыҡты - кемдер шиғыр һөйләне, кемдер йыр йырлап ишеттерҙе. Барыһы ла байрамдан ҡәнәғәт ҡалып, тәмле күстәнәстәр менән таралышты.