+24 °С
Ямғыр
Байрамдар
24 Май 2025, 14:02
Мәктәптәрҙә һуңғы ҡыңғырау сыңланы
Күңелдәрҙә оҙаҡ һаҡланыр шатлыҡлы ла, бер аҙ моңһоу ҙа ул һуңғы ҡыңғырау байрамы. Һуңғы ҡыңғырау сыңы уҡыу йылы тамамланыуҙы ғына түгел, ә өлкән класс уҡыусылары өсөн ғүмерҙең иң наҙлы, ғәмһеҙ мәле - бала саҡ менән хушлашыу, үҙ аллы тормошҡа аяҡ баҫыу тигәнде хәбәр итә.
Мәктәптәрҙә һуңғы ҡыңғырау сыңланы
11 йыл элек ҡыйыуһыҙ ғына мәктәп ишеген асып, беренсе класҡа уҡырға килгән балалар бөгөн белем үрҙәрен үрләп, ҡанаттарын нығытҡан ҡош балаларылай зәңгәр киңлеккә ынтыла, оло тормош юлына аяҡ баҫа.
24 майҙа райондың барлыҡ мәктәптәрендә лә сығарылыш класс уҡыусылары өсөн һуңғы ҡыңғырау тантанаһы үтте. Районыбыҙ мәктәптәрен быйыл 11-се класты - 72, 9-сыны 162 уҡыусы тамамлай.
Райондың Шәйехзада Бабич исемендәге башҡорт гимназия-интернаты ла бөгөн үҙ ҡошсоҡтарын оло юлға сығарҙы.
Мәктәптәрҙә һуңғы ҡыңғырау сыңланы
