Ғаилә, мөхәббәт һәм тоғролоҡ көнө

Йола буйынса, төп тантаналар Муром ҡалаһында уҙа. Был көндө концерттар ойошторола, сауҙа һәм һөнәрселек йәрминкәләре үткәрелә, балалар өсөн анимациялы майҙансыҡтар асыла, ә байрам киске гала-концерт һәм фейерверк менән тамамлана. Ә инде Ғаилә, мөхәббәт һәм тоғролоҡ көнөнөң символы  – аҡ сәскә. Байрам көнөндә ромашканан ҡалпаҡ үрәләр, гөлләмәләр һәм «февронька»лар –открыткалар бүләк итәләр...

Байрам уңайынан Йылайыр ауылының үҙәк майҙанында ла  матур байрам сараһы үтте. Ғаилә, мөхәббәт һәм тоғролоҡ көнөнә арналған сарала район мәҙәниәт йорто, Ҡашҡар, Юлдыбай ауылының һәүәҫкәр артистарынан торған бай йөкмәткеле концерт күрһәтелде, тематик фотозона ойошторолдо. Байрамға килеүсе һәр кем мөхәббәт тураһында йырҙар тыңлап, дәртле бейеүҙәр ҡараны, саранан шәп кәйеф алып таралышты.