Рюкзактар тегелә, күстәнәстәр әҙерләнә

Бөтә донъя башҡорттары ҡоролтайы госпиталдәрҙәге яугирҙарға ярҙам итеү ниәте менән Ватанды һаҡлаусылар көнөнә ҡарата иғлан иткән хәйриә акцияһына Байғужа ауылы ҡатын-ҡыҙҙары ла бик теләп ҡушылды. Улар, үҙ ҡулдары менән, ир-егеттәргә үҙ әйберҙәрен һаҡлау өсөн, уңай рюкзактар тегеп ебәрҙе. Махсус операцияла ҡатнашҡан ир - егеттәргә изге теләктәрен теләп, ҡайнар сәләмдәрен ебәрә. Улар тыуған яҡ сәләмдәрен ҡабул итеп, көс-ғәйрәттәрен арттырыр.