Радий Хәбиров махсус хәрби операцияла ҡатнашыусының ҡыҙын беренсе класҡа оҙатты

Башҡортостан Башлығы Рәсәй геройы Максим Серафимов исемендәге Өфөнөң 40-сы белем биреү үҙәгендә булып, шәхсән уҡыусыларҙы, уҡытыусыларҙы һәм ата-әсәләрҙе тәбрикләне

Республика етәксеһе кластарҙы, уҡытыусылар бүлмәһен, ашхана һәм спорт залын ҡараны, мөғәллим-ветерандар, балалар менән аралашты. Мәктәптә 912 уҡыусы белем ала. Быйыл бында милли проект буйынса капиталь ремонт атҡарылған. 10 миллион һумға яңы ҡорамалдар һатып алынған.