Ҡайын һыуын ҡышҡылыҡҡа нисек һаҡларға?

Өс литрлыҡ банка өсөн ҡайын һыуы, өс телем әфлисун (теләгәндәр лимонын да һала ала), 100 – 200 грамм шәкәр, ярты балғалаҡ лимон кислотаһы алына.

Яңы ғына йыйылған һәм һөҙөлгән ҡайын һыуын көслө утҡа ҡайнатырға ҡуябыҙ, өҫтөндә йыйылған күбекте алып торабыҙ. Ҡайнап сыҡҡас, утты кәметәбеҙ.

Әфлисунды түңәрәкләп теләбеҙ, стерилләнгән өс литрлыҡ банкаға өс телемен һалабыҙ. Емеш янына лимон кислотаһы һәм шәкәрҙе өҫтәйбеҙ.

Ҡайын һыуын эҫе килеш банкаға ҡоябыҙ һәм стерилләнгән тимер ҡапҡас менән ябабыҙ.