+7 °С
Ямғыр
Петуния сәскәһе йомортҡа ҡабығы ярата. Үҫентеләрҙе баҡсаға күсереп ултыртҡансы, тупрағына көл йәки йомортҡа ҡабығы өҫтәргә кәңәш итәләр.
Ҡабыҡты ныҡ итеп ваҡлағыҙ. Ә көл әҙерләү өсөн кесерткән кәрәк. Йәш кесерткәнде күләгәлә 7 көн буйы киптерергә. Шунан утка бирешмәй торған һауытҡа тултырып, яндырабыҙ. Янып бөткәс, көл әҙер тигән һүҙ.
Бер петуния үҫентеһенә яҡынса 1 аш ҡашығы йомортҡа ҡабығы һәм 1,5 аш ҡашығы кесерткән көлө кәрәк. Сәскәләрҙе айына бер тапҡыр шулай ашларға кәңәш итәләр.