Бик шәп музей барлыҡҡа килгән, афарин!

Учалы районының Ҡолош ауылында йәшәүсе Хәҙис Сәфиуллин үҙ йортонда музей асҡан. Ҡыҙыҡлы экспонаттарҙы ҡарарға көн һайын туристар килә. Күптән түгел музейҙың шәхси коллекцияһында Башҡортостан Башлығы Радий Хәбировҡа арналған экспозиция барлыҡҡа килде.

- Ул миңә оҡшай, мин уны хөрмәт итәм, шуға күрә “Башҡортостан” гәзитенән ҡырҡып алған мәғлүмәттәрҙе ҡуйып сыҡтым, - ти ул.

Хәҙис Сәфиуллин башлыҡтың Учалыға йыш килеүен белә һәм бер көн Радий Фәрит улы менән шәхсән осрашырға, уның ҡулын ҡыҫырға, үҙенең бай музейын күрһәтергә хыяллана.