Йылайыр районында юлдар төҙөкләндерелә

Быйылғы йәй миҙгеле үткән йылдарға ҡарағанда ямғырҙарҙың туҡтауһыҙ яуыуы менән күпкә айырылды.

Ямғыр һыуы районыбыҙ ауылдарының йылғаларын ярға сығарҙы, уларҙың һыу кимәле юғары булыуы күпер урынлашҡан ерҙәрҙе лә емерҙе.

Юлдан аша сыҡҡан һыу бәләһе техника йөрөгән юлдарҙы йөрөүгә яраҡһыҙ итеп һалды.
Ошо көндәрҙә Йылайырҙан Кананикольск ауылына ҡарай һалынған юл ремонтланды. Уны төҙөкләндереп, яҡшы торошҡа килтергән юл ремонтлау-төҙөү идаралығы хеҙмәткәрҙәре бик ҙур эш башҡарҙы.
Л.Пелагеина фотолары.