Сода, һарымһаҡ һәм ҡаҙ майы нимәһе менән файҙалы?

Аппетитығыҙ булмаһа ла көсләп тигәндәй ҡорот иҙеп эсеү мөһим. Унан һуң ярты кәстрүл һыу ҡайнатып, уға бер аш ҡалағы аш содаһы һәм 5-6 тамсы йод тамыҙып, ҡайнап торған һыуҙың утын яйлатҡандан һуң 10 минут тирәһе уның парына тын алырға кәрәк. Был файҙалы инголяцияны ике сәғәт һайын эшләһәгеҙ бигерәк тә файҙалы була. Ә инде төнгөлөккә ҡарай бер стакан һөт ҡайнатып, уға ҡырғыстан үткәрелгән ике һарымһаҡ һалып эсеү отошло буласаҡ. Күкрәк тирәһен, шулай уҡ табандарығыҙҙы ҡаҙ майы менән ыуып, йылы кейенеп йоҡлаһағыҙ бигерәк яҡшы буласаҡ.