Урмандарҙы һаҡлау уларҙың төп хәстәрлеге

Уларҙың төп бурысы – законһыҙ урман ҡырҡыуға ҡаршы көрәш, шулай уҡ урман ҡануниәтен һәм урмандарҙы янғындан һаҡлау ҡағиҙәләрен үтәүҙе контролдә тотоу. Был бурыстарҙы үтәү маҡсатында улар даими рәүештә урмандарҙы патрулләй, ағастарҙы ҡырҡыу һәм ярамаған урындарҙа усаҡ яғыу кеүек законһыҙ ғәмәлдәрҙе асыҡлай һәм иҫкәртә. Системалы патруллек итеү хәүефкә оператив яуап бирергә һәм уларҙы булдырмаҫҡа мөмкинлек бирә. Уларҙың эшенең икенсе өлөшө – ғәмәлдәге ҡануниәттең үтәлешен даими тикшереү, улар боҙоуҙарҙы асыҡларға һәм урман ҡулланыусыларға уларҙы бөтөрөү тураһында талаптар ҡуйырға ярҙам итә. Шул уҡ ваҡытта административ хоҡуҡ боҙоуҙар тураһында эштәрҙе ҡарарға һәм хоҡуҡ боҙоусыларҙы яуапҡа тарттырырға булышлыҡ итә.

2007 йылға тиклем бүлектә бер нисә үҙгәреш була. 2008 йылдың октябрендә Башҡортостан Республикаһының урман хужалығы Министрлығы бойороғо менән Сергей Никифоров федераль дәүләт урман һәм янғын күҙәтеүенең йылайыр район-ара территориаль бүлеге начальнигы вазифаһына тәғәйенләнә. Уның етәкселегендә коллектив законһыҙ ағас әҙерләүгә ҡаршы көрәштә ҙур уңыштарға өлгәшә. Унда 4 территориаль бүлексә эшләй, ә штатта 4 хеҙмәткәр иҫәпләнә. Әлеге ваҡытта Ейәнсура һәм Кананикольск участкаларында вакансиялар бар.

2025 йылда бүлек хеҙмәткәрҙәре 233,8 мең һумлыҡ законһыҙ урман ҡырҡыуҙың 6 осрағын асыҡлай, тағы ла 819 000 мең һумлыҡ 3 осраҡ Кананикольск урмансылығында табылған. Был эштәр буйынса материалдар ваҡытында эске эштәр органдарына тапшырыла, Рәсәй Федерацияһы Енәйәт кодексының 260-сы статьяһы буйынса енәйәт эштәре ҡуҙғатыла.

2025 йылдың сентябренә ҡарата булған законһыҙ ҡырҡыуҙың өс эпизоды судта ҡаралған, ғәйеплеләр тулыһынса яза алған. Законһыҙ ҡырҡыуҙар менән көрәш профессионализм талап итә.
Башҡортостан Республикаһы федераль дәүләт урман һәм янғын күҙәтеүенең йылайыр район-ара территориаль бүлеге был мөһим миссияны дауам итә, киләсәк быуын өсөн беҙҙең райондың тәбиғәт байлығын һаҡлап ҡалырға тырыша.

Евгений ГОРДОВ фотоһы.