-10 °С
Ҡар
Бөтә яңылыҡтар
Улар 96-сы яңы йылын ҡаршыларға әҙерләнә
Белеүебеҙсә, уҙып барған 2025 йылда районыбыҙ ойошторолоуының 95 йыллыҡ олпат юбилейын билдәләне. Шуныһы ҡыуаныслы, район менән бер йәштә булған, уның менән бергә күркәм ғүмер байрамдарын ҡаршылаусы инәй-олатайҙар ҙа йәшәй арабыҙҙа. Мәҫәлән, Ҡашҡар ауылынан Фәтихә Шәкирйән ҡыҙы Ишморатова менән Мәҡсүт ауылында көн итеүсе Сәғиҙә Йәнмырҙа ҡыҙы Аллабирҙина бөгөн 96-сы яңы йылын ҡаршыларға әҙерләнә.
Улар 96-сы яңы йылын ҡаршыларға әҙерләнә
Бала саҡтары ауыр һуғыш йылдарына тура килгән инәйҙәрге тормош артабан да бик күп һынауҙар ҡуя. Алһыҙ-ялһыҙ совхоз эше, йорт мәшәҡәттәре, итәк тулы балалар үҫтереү... Хәҙер килеп барыһы ла артта, үҙҙәре әйтмешләй, бер мәл генә икән ул күкрәп йәшәүҙәре. Әле килеп, балалары, ейән-бүләләре хәстәрендә, тәбиғәт матурлығына һоҡланып, тирә-яҡтағы хозурлыҡты күрә һәм үҙ аяҡтарында атлап йөрөй алғанға шөкөр итеп йәшәй инәйҙәр. Доғаларын уҡып, тәсбих тартып, йәш быуынға – бәхетле ғүмер, тыуған иленә именлек теләп ултыра улар. Булмышындағы эске мәҙәнилек, тәрбиә, аҡыл оло йәштә лә кешене шулай йәмләй икән дә ул...
Автор фотоһы.
Новости партнеров