+8 °С
Ясно
Йәмғиәт
26 Августа , 11:38
Бар булымышы менән уҡытыусы
Донъяла ғүмер буйы онотолмай торған уҡытыусылар була. Улар тик «бишле» генә ҡуйғандары йәки бер ҡасан да тауыш күтәрмәгәндәре өсөн түгел, ә улар янында йәшәү яҡтыраҡ, йылыраҡ, аңлайышлыраҡ булғаны өсөн иҫтә ҡала.
М.Б.Әбсәләмов исемендәге урта дөйөм белем биреү мәктәбенең башҡорт теле һәм әҙәбиәте уҡытыусыһы, уҡытыу-тәрбиә эше буйынса директор урынбаҫары, синыф етәксеһе һәм мәктәп менән ауылдың барлыҡ сараларының йәне булған Земфира Марат ҡыҙы Кинйәбаева тап шундай педагогтарҙан. «Башҡорт теле һәм әҙәбиәте йыл уҡытыусыһы» республика конкурсында яуланған икенсе урын – был награда ҡағыҙындағы ябай юл ғына түгел. Был – ҙур хеҙмәттең, үҙ эшенә булған ихлас мөхәббәттең һәм ҡатмарлы нәмәләрҙе тыңлаусыны әсир итерлек итеп һөйләй белеү кеүек һирәк таланттың танылыуы. Уның етәкселегендә күп кенә уҡыусылар өсөн башҡорт теле дәрес расписаниеһындағы ябай предмет булыуҙан туҡтаны – ул уларҙы үҙ тамырҙары, ғаилә тарихы һәм тыуған төйәк менән тоташтырыусы йәнле епкә әйләнде.
З.М. Кинйәбаева тураһында тулы материалды баҫмабыҙҙың 34 һанында уҡый алаһығыҙ
