Владимир Путин ҡануниәткә эштәге остазлыҡ төшөнсәһен индерҙе

  Хеҙмәт кодексына «хеҙмәт өлкәһендә остазлыҡ» төшөнсәһе индерелә. Был эш биреүсенең ҡушыуы һәм уның яҙма ризалығы нигеҙендә башҡа хеҙмәткәргә производствола һәм эш урынында эшләү күнекмәләрен үҙләштереүҙә ярҙам күрһәтеү буйынса эш башҡарыуҙы күҙ уңында тота.

  Остазлыҡ өсөн өҫтәмә түләүҙәр күләме һәм шарттары дәүләт һәм муниципаль хеҙмәткәрҙәр өсөн Рәсәй ҡануниәте менән билдәләнәсәк. Башҡа ойошмалар бының өсөн коллектив килешеүҙәрҙе, килешеүҙәрҙе һәм локаль норматив акттарҙы ҡуллана ала.

  Остазлыҡ ваҡыты һәм формаһы хеҙмәт килешеүендә йәки өҫтәмә килешеүҙә билдәләнәсәк.

  Хеҙмәткәр остаз роленән ваҡытынан алда баш тарта, ә эш биреүсе остазлыҡ тураһында йөкләмәне юҡҡа сығара ала.