Бер аҙнала республикала өс игеҙәк сабый тыуған

Көҙҙөң беренсе аҙнаһында Республика клиник перинаталь үҙәгендә 269 сабый, шул иҫәптән өс игеҙәк бала донъяға килгән. Был хаҡта медицина учреждениеһынан хәбәр иттеләр.

«Башинформ» яҙғанса, йыл башынан Өфөнөң Республика клиник перинаталь үҙәгендә генә 7 меңдән ашыу сабый тыуған.

Һаулыҡ һаҡлау министрлығы мәғлүмәттәре буйынса, ағымдағы йылдың 8 айында Башҡортостанда 21 меңдән ашыу бала донъяға ауаз һалған.

Хәбәр иткәнебеҙсә, билдәле музыкант Зәйнетдин йәнә атай булды.