Путин Рәсәй Ҡораллы көстәренә көҙгө саҡырылыш тураһында указға ҡул ҡуйҙы

Рәсәй Президенты Владимир Путин армияға көҙгө саҡырыу кампанияһы тураһында указға ҡул ҡуйҙы. Рәсми хоҡуҡи мәғлүмәт порталында баҫылған документҡа ярашлы, илдә 133 мең кеше саҡырыла.

«2024 йылдың 1 октябренән 2024 йылдың 31 декабренә тиклем 18-30 йәшлек Рәсәй граждандарын хәрби хеҙмәткә саҡырырға, йәмғеһе 133 000 кеше», — тиелә документта.

Әйткәндәй, быйыл йәй республиканың хәрби комиссары полковник Михаил Блажевич «Башинформ» мәғлүмәт агентлығына биргән интервьюһында уҙған һәм ағымдағы саҡырылыш саралары махсус хәрби операция үткәреү менән бәйле булмауын билдәләгәйне.

Сығанаҡ: https://www.bashinform.ru/news/politics/2024-09-30/vladimir-putin-podpisal-ukaz-ob-osennem-prizyve-v-vs-rf-3950615