Йәш диндарҙар һынау тотто

Конкурс уҙған йыл Белорет ҡалаһында үткән бәйге еңеүсеһе Абдулла атлы малайҙың  Изге Ҡөрьән аятын уҡыуҙан башланып китте. Һуңынан  бәйгелә үҙенең көсөн һынап ҡарарға йөрьәт иткән балаларҙы Урал аръяғы имам-ахуны урынбаҫары Илфат хәҙрәт Юнысбаев, Йылайыр ауылы имам-мөхтәсибе Венер хәҙрәт Шәрипов тәбрикләне.

Ярыш булғас, еңеүселәре лә була тигәндәй, был юлы ла иң-иңдәр айырым баһаға лайыҡ булды. Ҡыҙҙар араһында 13 йәштән 16 йәшкә тиклемгеләр араһында Гран-прины Баймаҡ ҡалаһынан Әдилә Вәхитова яуланы. Баймаҡ ҡалаһы ҡыҙҙары Мөкминова Әминә 1-се, Фатима Рәхимова 2-се, Йылайыр ауылынан Айсулпан Рәхмәтуллина 3-сө урында билдәләнде. Ярыштың икенсе шартына ярашлы был йәш төркөмөндә Ислам дине темаһына ҡағылышлы иң матур сығыш яһаусы тип Баймаҡ ҡалаһынан Рәлиә Байтимерова табылды.  6 йәштән 12 йәшкә тиклем йәш арауығында Йылайырҙан Дилиә Исламғолова 1-се урынды яуланы. 2-се, 3-сө баҫҡыстарҙа Йылайырҙан Сафия Атанбаева менән Баймаҡ ҡалаһынан Зәйнәб Вәлиева билдәләнде. Был төркөмдә Ислам дине темаһына ҡағылышлы ижади сығыш яһаусы Хәйбулла районынан килеүсе Зәйнәб Муллағәлләмоваға тиңдәр булманы.

Малайҙар араһында 13-16 йәшлектәр араһында 1-се урынға Баймаҡ ҡалаһынан Мөслим Вәхитов, 2-се урынға Баймаҡ районынан Абдулла Әйүпов, 3-сө урынға Белорет ҡалаһынан Адам Чувакаев лайыҡ булды.
 Кесе төркөмдә  1-се урынға Сибайҙан Таһир Байтимеров, 2-се урынға Белорет ҡалаһынан Абдулла Аидбаев һәм 3-сө урынға Баймаҡ районынан Абдулла Ғәлин сыҡты. Йылайырҙан Ильяс Шәрипов Ислам дине темаһына ҡағылышлы иң яҡшы сығыш яһаусы булараҡ билдәләнде.

Бәйгелә ҡатнашыусы барлыҡ конкурсанттар 1000,  Гран-при яулаусылар 30000, 1 урын 16000, 2 урын 11 000,  3 урын алыусылар 6000, иң яҡшы, ижади сығыш яһаусылар 3000 һум аҡсалата приз  һәм 4-се, 5-се урындар алыусылар ҡиммәтле бүләктәр менән бүләкләнде.