Өфө хакимиәте мәктәптәрҙә льготалы туҡланыуға хаҡтарҙы раҫланы

«Башинформ» агентлығына документты өйрәнгәндән һуң билдәле булыуынса, льготаға хоҡуҡлы балалар өсөн белем биреү ойошмаларында төшкө аштың хаҡы 2023 йылдың 1 ғинуарынан уҡ артҡан.

Әйтәйек, хәҙер 1-4-се класс уҡыусылары өсөн иртәнге аш көнөнә – 63 һум 80 тин, төшкө аш – 71 һум 82 тин, төштән һуңғы аш 45 һум тора. 5-11 класс уҡыусылары өсөн хаҡтар түбәндәгесә: иртәнге аш – 60 һум, төшкө аш – 70 һум, төштән һуңғы аш – 45 һум.

Украинанан, Луганск Халыҡ Республикаһынан, Донецк Халыҡ Республикаһынан, Херсон һәм Запорожье өлкәләренән күсенгән, ваҡытлыса тороу пункттарында йәшәмәгән 5-11-се класс уҡыусылары өсөн дә бушлай туҡланыу хаҡы артҡан. Иртәнге ашҡа — 78 һум 20 тин, төшкө ашҡа 89 һум 45 тин бүленә.