-18 °С
Болотло
Бөтә яңылыҡтар
Матбуғат
1 Октябрь 2025, 14:27
Һөйөнсө! Ташламалы ун көнлөк!
Хөрмәтле гәзит уҡыусылар! Бөгөндән, йәғни 1 октябрҙән 10 октябргә тиклем Бөтә Рәсәй матбуғатҡа яҙылыу ун көнлөгө үтә. Был осорҙа барлыҡ ваҡытлы баҫмаларға, шул иҫәптән “Ауыл уттары” район гәзитенә ташламалы хаҡҡа яҙылырға була. Районканың тоғро дуҫтары был шәп тәҡдимдән ҡулланып ҡалыр тип өмөт итәбеҙ. Әйткәндәй, гәзиткә яҙылыусылар араһында йәнә матур-матур бүләктәр уйнатасаҡбыҙ. Һеҙ һүрәттә күргән Рауил ағай Хәсәнов бына инде тиҫтә йылдар район гәзитенән айырылмай.
Һөйөнсө! Ташламалы ун көнлөк!
26 йыл ғүмерен мал табибы булып эшләгән уҡыусыбыҙ хаҡлы ялда ла ҡул ҡаушырып ултырмай. Ә инде республика, район яңылыҡтары менән мотлаҡ “Ауыл уттары” гәзите аша танышып бара, беҙҙең төрлө лотерея-уйындарҙа ихлас ҡатнаша. Бына әле яңыраҡ ҡына Рауил Әмерхан улы беҙҙән “История башкирских родов. Усерган” китабының беренсе томын отоп ҡыуанды. Тәғәйен бүләген ул редакциянан үҙе килеп алды. Беҙгә ул аҙна һайын инеп сыға, сөнки гәзиткә йыл да үҙең килеп алыу ысулы менән яҙыла.
– Был, беренсенән, осһоҙораҡ, икенсенән, даими рәүештә хәрәкәттә булыу һаулыҡҡа ыңғай йоғонто яһай, – ти Рауил ағай.
Новости партнеров