Атлас таҫмалар менән сигергә өйрәнделәр

Сараға китапхана уҡыусыһы һәм ирекмән Миләүшә Матюгина етәкселегендә “Оҫта ҡулдар” клубы ағзалары килде. Сигеү техникаһының үҙенсәлеге шунда: ул һүрәткә күләм өҫтәй, тип билдәләне оҫтабикә. Таҫмалар менән сигеү һәр саҡ матур, сағыу килеп сыға, ә сигеү өсөн бөтә материалдарҙы ла һатып алырға мөмкин һәм ҡиммәт түгел. Был техникала төрлө әйберҙәр эшләргә була: урын-ер кәрәк-ярағы, таҫтамал, картиналар, панно, фотолар өсөн рамдар, косметика өсөн тоҡсайҙар һәм башҡалар.

"Ижади фекерләү йыш ҡына донъяға ижади ҡараштан башлана. Ебәк таҫмалар менән сигеү – мәҙәниәттең сағыу күренеше, ул байыта, ысын сәнғәт менән аралашыу шатлығын килтерә. Текстура матурлығы, төҫтәр, ялтырауыҡ һәм шыма фактура - таҫмаларҙың был үҙенсәлектәре әйберҙәрҙе биҙәүҙең тулыһынса художестволы сараһы булып тора һәм элек-электән биҙәү-ҡулланма ижадында ҡулланыла", – тип билдәләне Миләүшә Матюгина.

Билдәле булыуынса, “Мәҙәниәт” (национальный проект “Культура”) милли проекты Рәсәй Президенты Владимир Путиндың май указы менән булдырылды.