Спорттың был төрөн популярлаштыралар

"Демография" милли проектының "Спорт - йәшәү нормаһы" төбәк проекты сиктәрендә Учалыла Башҡортостан Республикаһы Учалы районы муниципаль райондың дөйөм белем биреү ойошмаларында уҡыусылар араһында волейбол буйынса "Ҡыш бабай кубогы" яңы йыл турниры үтте. Ярыштарҙа егеттәр һәм ҡыҙҙарҙан торған командалар ҡатнашты. 

Ярыштарҙың маҡсаты - мәктәп уҡыусыларын физкультура һәм спорт менән даими шөғөлләнеүгә йәлеп итеү, сәләмәт йәшәү рәүеше күнекмәләрен формалаштырыу, Учалы районында волейболды популярлаштырыу.

Турнир дуҫтарса һәм йылы шарттарҙа үтте, балалар бик күп ыңғай тәьҫораттар алды, спорт оҫталыҡтарын яҡшыртты. Ярыштың сағыулығы тамашасыларҙы хайран ҡалдырҙы, уның көслө бирелештәре, тәүге темп менән һөжүм итеүҙәре, ярышташтарҙың һөжүмдәрен үткәрмәүҙәре, иҫ киткес алымдары һоҡландырҙы. Еңеүселәр һәм призерҙар миҙалдар, грамоталар һәм кубоктар менән бүләкләнде. Ярышты ойоштороусылар шулай уҡ номинациялар буйынса иң яҡшы уйынсыларҙы билдәләне.

"Уҡыусыларҙың ошо спорт төрөнән ҡәнәғәт ҡалыуҙарына бик шатбыҙ. Еңеүселәрҙе ҡотлайбыҙ һәм артабан да еңеүҙәр теләйбеҙ ", - тип билдәләне ярыштарҙы ойоштороусылар.

Билдәле булыуынса, “Демография” (национальный проект “Демография”) милли проекты Рәсәй Президенты Владимир Путиндың май указы менән булдырылды.