+24 °С
Ямғыр
Милли проект
20 Ғинуар 2025, 13:50
Борсаҡҡа ихтыяж ҙур икән
Башҡортостан аграрийҙары Ҡаҙағстанға нут оҙатты.
Хәйбулла районы аграрийҙары Ҡаҙағстанға тағы 169 тонна киптерелгән ноҡот борсағы (нут) оҙатты, тип хәбәр иттеләр “Россельхознадзор”ҙың төбәк буйынса идаралығынан. Башҡортостан продукцияһын сит илгә оҙатыуҙы арттырыу “Халыҡ-ара кооперация һәм экспорт” милли проектының (национальный проект “Международная кооперация и экспорт”) бурыстарының береһе булып тора.
Борсаҡтың һайлап алынған өлгөләре Россельхознадзор ҡарамағындағы Башҡортостан һынау лабораторияһында тейешле экспертиза үтте. Хәүефле карантин организмдарын тикшереү һөҙөмтәләре буйынса асыҡланмаған, бөтә тауар импортлаусы илдең талаптарына тап килә һәм Ҡаҙағстанға оҙатылған.
“Башҡортостандың агросәнәғәт комплексы сит илгә нут экспорты күләмен арттыра. Төбәк өсөн традицион булмаған был юғары маржиналь ҡуҙаҡлы культураны үҫтереү республикабыҙҙың аграр секторы килеменең мөһим статьяларының береһенә әүерелә”, – тип белдерҙеләр “Россельхознадзор”ҙың Башҡортостан буйынса идаралығында.
Мәҫәлән, 2024 йылда Башҡортостандың ноҡот борсағының сит илгә экспорты күләме 1700 тоннаға еткән.
Шуларҙың 22 тоннаһы – Афғанстанға, 1450 тоннанан ашыуы – Ҡаҙағстанға, 176 тоннаһы Төркиәгә, 50 тоннаһы Ҡырғыҙстанға һатылған.
