Бөтә яңылыҡтар
Милли проект
15 Март , 10:10

Тәүге урман янғындары апрель башында уҡ башланыуы ихтимал

Урман хужалыҡтарында янғын хәүефе миҙгеленә техника әҙерләй башланылар.

Башҡортостандың урман янғындары формированиелары һәм урман хужалыҡтары хеҙмәткәрҙәре янғын хәүефе миҙгеле алдынан махсус техника һәм ҡорамалдар әҙерләй башланы, тип хәбәр иттеләр республиканың Урман хужалығы министрлығынан.

Бынан тыш, белгестәр яғыулыҡ-майлау материалдары һаҡламын һәм янғынға ҡаршы инвентарь тупланыу пункттарын тикшерә.

Республикаға урмандарҙа оҙайлы янғын хәүефе миҙгеле ғәҙәти хәл. Мәҫәлән, былтыр ул 17 апрелдән 1 ноябргә тиклем 198 көн дауам итте. Авиация урман һағы фараздары буйынса, 2025 йылда Башҡортостан биләмәһендә тәүге урман янғындары апрель башында уҡ башланыуы ихтимал.

 

Автор:Ильфира Аккужина
Читайте нас: