+21 °С
Болотло
Милли проект
27 Октябрь 2025, 04:09
Республика Латвияға малдар өсөн аҙыҡ өҫтәмәһенең ҙур партияһын оҙатты
2025 йылдың башынан алып Башҡортостандың Көйөргәҙе районы Маячный ҡасабаһы предприятиеһы Латвияға 52,7 мең тоннанан ашыу гранулалы көнбағыш шроты оҙатҡан.
"Россельхознадзор" ҙың Башҡортостан буйынса идаралығы Көйөргәҙе районындағы ҙур май экстракцияһы предприятиеһынан Латвияға экспорт өсөн әҙерләнгән 2,1 тоннанан ашыу гранулалы көнбағыш шротын тикшерҙе.
Төбәктең агросәнәғәт комплексы продукцияһы сит илгә «Халыҡ-ара кооперация һәм экспорт» (национальный проект «Международная кооперация и экспорт») милли проекты маҡсаттарына ярашлы оҙатыла.
Күҙәтеү ведомствоһынан хәбәр итеүҙәренсә, ауыл хужалығы малдары һәм ҡош-ҡорт өсөн юғары протеинлы ҡиммәтле мал аҙығы өҫтәмәһе 30 тимер юл вагонына тейәп оҙатылған.
Россельхознадзор ҡарамағындағы һынау лабораторияһында 30 партияның һәр береһендә һайлап алынған көнбағыш орлоҡтарын эшкәртеүҙең өҫтәмә продукцияһы өлгөләре тикшерелгән.
Хәүефле карантин организмдарына энтомологик, гербологик һәм микологик экспертиза үткәреү һөҙөмтәләре буйынса асыҡланмаған. Мал аҙығының бөтә 30 партияһы ла Европа союзының һәм импортер илдең фитосанитар хәүефһеҙлек талаптарына яуап бирә.
2025 йылдың башынан алып Башҡортостандың Көйөргәҙе районы Маячный ҡасабаһы предприятиеһы Латвияға 52,7 мең тоннанан ашыу гранулалы көнбағыш шроты оҙатҡан.
Төбәктең агросәнәғәт комплексы тауарын сит илгә оҙатыуҙы арттырыу “Халыҡ-ара кооперация һәм экспорт” милли проектының (национальный проект “Международная кооперация и экспорт”) маҡсаттарының береһе булып тора.
Яңыртылған милли проекттар, Рәсәй Президенты Владимир Путиндың ҡарары буйынса, 2025 йылдан тормошҡа ашырыла.
