+21 °С
Болотло
Милли проект
18 Ноябрь 2025, 10:47
60 йәштән өлкәндәр ГТО нормаларын тапшырған
Программала өлкән быуын вәкилдәре өсөн яраҡлаштырылған һынауҙарҙың төрлө төрҙәре тәҡдим ителә
“Хеҙмәткә һәм оборонаға әҙер” Бөтә Рәсәй физкультура-спорт комплексы фестивале Дәүләкәндә “Әүҙем оҙон ғүмер” проектында ҡатнашыусылар араһында 60 йәштән өлкәндәр араһында үтте.
Сараны “Рәсәй спорты” дәүләт программаһы (государственная программа “Спорт России”) маҡсаттарына ярашлы ойошторҙолар, тип хәбәр иттеләр Башҡортостан Республикаһының Дәүләкән районы хакимиәтендә.
Был ваҡиға үҙенең физик әҙерлеген һәм рух көсөн күрһәтергә әҙер булған 30-ҙан ашыу энергиялы һәм маҡсатҡа ынтылышлы кешене берләштерә.
Программала өлкән быуын вәкилдәре өсөн яраҡлаштырылған һынауҙарҙың төрлө төрҙәре тәҡдим ителә: гимнастика эскәмйәһендә баҫып тороп алға эйелеү, арҡала ятып кәүҙәне тороу. Шулай уҡ улар гимнастика эскәмйәһенә һәм ултырғысҡа таянып, ҡулдарын бөгөү һәм йәйеүҙе, бер километр ҡатнаш хәрәкәт итеүҙе башҡарҙы.
“Рәсәй Спорты” дәүләт программаһы физик әүҙемлек менән шөғөлләнеү өсөн шарттар булдырыуға һәм яҡшыртыуға, күмәк спортты таратыуға һәм рәсәйҙәрҙең йәшәү сифатын яҡшыртыуға йүнәлтелгән.
Илдә тейешле инфраструктура киңәйә, күмәк саралар үткәрелә, "Хеҙмәткә һәм оборонаға әҙер" Бөтә Рәсәй физкультура-спорт комплексы тормошҡа ашырыла, шулай уҡ балалар араһында күнекмәләр өсөн яңы мөмкинлектәр барлыҡҡа килә. Программа РФ Президенты Владимир Путин ҡарары буйынса 2025 йылдан тормошҡа ашырыла.
