Яңы финанс ҡоралы эшләй башланы

Төрлө сәбәптәр буйынса проценттарҙы түләп заем средстволары менән файҙалана алмаған эшҡыуарҙар өсөн “Башҡортостан микрокредит компанияһы” автономлы коммерцияға ҡарамаған ойошмаһы “Партнерлыҡ финанслауы” исемле продукт тәҡдим итә.

Был продукт сиктәрендә тотороҡһоҙлоҡ һәм займды файҙаланған өсөн проценттар алынмай. Микрофинанс ярҙамы “Һөҙөмтәле һәм конкурентлы иҡтисад” (национальный проект “Эффективная и конкурентная экономика”) милли проекты сиктәрендә тормошҡа ашырыла, тип хәбәр иттеләр республиканың Эшҡыуарлыҡ һәм туризм министрлығынан.

Продуктта раҫланған аҡсалата түләү ҡаралған, уның иҫәбе алынған аҡса суммаһынан сығып башҡарыла. Бәләкәй һәм урта эшҡыуарлыҡ субъекттарының берҙәм реестрына индерелгән һәм республика биләмәһендә теркәлгән эшҡыуарҙар 100 меңдән алып 5 миллион һумға тиклем иҫәп тота ала. Заём 6 айҙан 36 айға тиклем физик йәки юридик шәхестәрҙең, йәки шәхси эшҡыуарҙарҙың яуаплылыҡты үҙ өҫтөнә алыуы шарттарында, шулай уҡ транспорт сараһы йәки күсемһеҙ милек рәүешендә залог булғанда бирелә.
— Партнерлыҡ финанслауы - классик финанс ҡоралдарын ҡулланғанда сикләүҙәргә дусар булған эшҡыуарҙар өсөн бик шәп мөмкинлек. Партнерлыҡ финанслауы ярҙамында кредит һәм кредит булмаған финанс ойошмалары хәүефтәрҙең бер өлөшөн үҙ өҫтөнә ала һәм уларҙы партнер-клиенттары менән бүлешә, - тип һөйләне Башҡортостандың эшҡыуарлыҡ һәм туризм министры Светлана Верещагина.

Яңыртылған милли проекттар Рәсәй Президенты Владимир Путиндың ҡарары буйынса 2025 йылдан тормошҡа ашырыла.