+24 °С
Ямғыр
Милли проект
18 Май , 04:15
Ҡариҙелдә йәш ҡарағайҙар ултыртылды
Тирә-яҡты йәшелләндеүгә ҙур өлөш индерелде
Ҡариҙел районында “Экология именлеге” милли проектына ярашлы (национальный проект “Экологическое благополучие”) “Хәтер баҡсаһы” акцияһында ҡатнашыусылар 4,5 гектар майҙанда 9 мең йәш ҡарағай үҫентеләре ултыртты. Был турала төбәктең Урман хужалығы министрлығы хәбәр итә.
Сарала 150 - нән ашыу кеше ҡатнашты. Ҡариҙел Урман хужалығының питомнигында үҫтерелгән үҫентеләр тиҙ арала сәсеү урынына еткерелде. Был иһә уларҙың тиҙ арала тупраҡҡа берегеп китеүенә булышлыҡ итте.
-Бындай сара экология торошон яҡшыртып ҡына ҡалмай, берләшмәлә социаль бәйләнештәрҙе лә нығыта, - тинеләр министрлыҡта.
“Экология именлеге” милли проекты тирә-яҡ мөхитте хәстәрләй, кешеләрҙең тормошон уңайлы итә. Был йәһәттән эш бер нисә йүнәлештә алып барыла.
Яңыртылған милли проекттар Рәсәй Президенты Владимир Путиндың ҡарары буйынса тормошҡа ашырыла.
