Колледжда капиталь ремонт тамамланды

Стәрлетамаҡ политехник колледжында 1-се уҡыу корпусын реконструкциялау тамамланды. 1977 һәм 1982 йылдарҙа ике этапта файҙаланыуға тапшырылған бина “Йәштәр һәм балалар” милли проекты (националный проект “Молодежь и дети”) буйынса комплекслы яңырыу кисерҙе, тип хәбәр иттеләр республиканың Мәғариф министрлығынан.

Эштәр ҡыйыҡты, шулай уҡ электр менән тәьмин итеү, йылытыу, һыу менән тәьмин итеү һәм канализация системаларын алмаштырыуҙан башлана. Бинаның фасады йылытылған һәм заманса металл кассеталар менән көпләнгән. Холдарҙа һәм аудиторияларҙа аҫылмалы түшәмдәр ҡуйылған, стеналар туҙыуға сыҙамлы керамик гранит менән көпләнгән, штукатурка һәм буяу эштәре башҡарылған.

Айырыуса иғтибар кәртәһеҙ мөхит булдырыуға йүнәлтелә. Санузелдар тулыһынса үҙгәртеп ҡоролған, үҙәк инеү урынында аҙ хәрәкәтсән студенттар өсөн заманса пандустар ҡуйылған.

Матди базаны яңыртыу Кколледждың “Профессионалитет” федераль проектында ҡатнашыуы менән синхронлаштырылған. Колледж иҡтисадтың реаль секторы өсөн эшселәр әҙерләй: иретеп йәбештереүселәр, ЧПУ менән станок операторҙары һәм IT-белгестәр. 1-се корпус белгестәр әҙерләүҙең ғәмәли программаларын тормошҡа ашырырға мөмкинлек биргән майҙансыҡҡа әйләнә.

“Йәштәр һәм балалар” милли проекты таланттарҙы үҫтереү һәм йәштәргә үҙҙәрен күрһәтеү өсөн мөмкинлектәр булдырыуға йүнәлтелгән. Милли проект үҙәгендә – мәктәптәр төҙөү һәм ремонтлау, уҡытыусыларҙың квалификацияһын күтәреү, уҡытыуҙың яңы методикаларын һәм уҡытыу өсөн уңайлы шарттар булдырыу. Милли проект шулай уҡ донъя кимәлендәге кампустар селтәрен үҫтереүҙе һәм “Приоритет 2030” программаһы буйынса юғары уҡыу йорттарына ярҙам итеүҙе күҙ уңында тота. Яңыртылған милли проекттар РФ Президенты Владимир Путин ҡарары буйынса 2025 йылдан тормошҡа ашырыла.