Ата-әсәләр мәктәп формаһы өсөн компенсация аласаҡ

Башҡортостанда аҙ тәьмин ителгән ишле ғаиләләр Дәүләт хеҙмәттәре аша мәктәп формаһы өсөн компенсация алырға мөмкин. Аҡса ике уҡыу йылына бер тапҡыр ата-әсәнең береһенә тәғәйенләнә. Мәктәп формаһы өсөн компенсацияның максималь суммаһы — 4489 һум. Быйыл аҡсаны 20 декабргә тиклем кире ҡайтарырға була.

Хәтерегеҙгә төшөрәбеҙ, ғаиләнең һәр ағзаһына уртаса эш хаҡы йәшәү минимумы дәүмәленән артмаған ғаиләләр аҙ тәьмин ителгән тип иҫәпләнә. 2024 йылдың 1 ғинуарына ҡарата мәғлүмәттәр буйынса, Башҡортостанда был эшкә һәләтле халыҡ өсөн — 14 991 һум, балалар өсөн — 13 340 һум.

Сығанаҡ: https://bash.bashinform.ru/news/social/2024-08-20/bash-ortostanda-ata-s-l-r-m-kt-p-forma-y-s-n-d-l-t-he-m-tt-re-asha-kompensatsiya-alyr-a-m-mkin-3892672