Ҡырмыҫҡалыла "Йәйге Шайморатов уйындары" финалы үтте

«Йәйге шайморатов уйындары» финалын үткәреү өсөн майҙансыҡ булып физкультура-һауыҡтырыу комплексы, Ҡырмыҫҡалы ауылының 2-се мәктәбе булып торҙо. Был мәктәп былтыр «Мәктәп мәғариф системаларын яңыртыу» федераль программаһы буйынса капиталь ремонттан һуң асылды. Мәктәп фойеһында Ҡырмыҫҡалы районының хәрби-патриотик клубтары күргәҙмәһе эшләне.

Беҙҙең райондан Шәйехзада Бабич исемендәге башҡорт гимназияһы уҡыусыларынан торған команда ҡатнашып ҡайтты. Уҡыусыларға был сара бик фәһемле осрашыуҙар, танышыуҙар һәм күңелле ярыштар менән иҫтә ҡалды.