+21 °С
Облачно
Новости
24 Июля 2025, 06:51
1 октябрҙән бәләкәй бизнес кредит каникулдары алырға мөмкин
Дәүләт Думаһы тейешле закон ҡабул итте. Бизнес субъекты көрсөк хәлендә булмаһа ла, каникулдар бирелә.
1 октябрҙән бәләкәй бизнес кредит каникулдары алырға мөмкин
Бәләкәй һәм урта эшҡыуарлыҡ субъекттары һәм үҙмәшғүлдәр кредит каникулдары алырға хоҡуҡлы. Закон 1 октябрҙә көсөнә инә. Рәсәй Банкында белдереүҙәренсә, каникулды ярты йылға, биш йылға бер тапҡыр, һәр кредитҡа алырға мөмкин. Эшҡыуарҙың йәки компанияның килеме кәмегәнме-юҡмы икәне мөһим түгел.
Әммә лимиттар бар. Кредит күләме түбәндәге сумманан артмаһа, каникулдар бирелә:
- микропредприятиелар өсөн — 60 миллион һум.,
- бәләкәй предприятиелар өсөн — 400 миллион һум.,
- урта предприятиелар өсөн — 1 миллиард һум.,
- үҙмәшғүлдәр өсөн — 10 миллион һум.
Льготалы осорҙа процент иҫәпләнә һәм ай һайын капитализациялана, йәғни кредит суммаһына өҫтәлеп бара.
Каникулдарҙы 2024 йылдың 1 мартынан һуңыраҡ төҙөлгән килешеүҙәр буйынса рәсмиләштерергә рөхсәт ителә.
Башҡортостандың Милли банкы мәғлүмәттәре буйынса, ағымдағы йылдың ғинуар-апрелендә бизнес 191,5 миллиард һум алған, күләмдең 2/3 өлөшө тиерлек эре компанияларға тура килә. Бәләкәй һәм урта эшҡыуарлыҡ иһә бурысҡа алыуҙы кәметә – кредитты хеҙмәтләндереү бик ҡиммәткә төшә.
