Саҡмағош эшҡыуары ағас эшкәртеү өсөн ҡорамал һатып алған

Социаль контракт Башҡортостан эшҡыуарына ағас эшкәртеү өсөн ҡорамал һатып алырға мөмкинлек бирҙе.

Саҡмағош районынан ағас эшкәртеү өлкәһендә эшләүсе Фидрат Хәбиров килешеү нигеҙендә адреслы социаль ярҙам программаһы ярҙамында үҙ эшен уңышлы алып бара. «Минең бизнесым» үҙәгенең урындағы офисында уға бизнес-план төҙөүҙә һәм Ассоциацияла ҡатнашыу өсөн кәрәкле документтар йыйыуҙа ярҙам күрһәтелгән. 350 мең һум күләмендә алған дәүләт ярҙамына эшҡыуар ағас эшкәртеү өсөн яңы ҡорамал һатып алған.

Ярҙам «Һөҙөмтәле һәм конкурентлы иҡтисад» (национальный проект “Эффективная и конкурентная экономика”) милли проекты сиктәрендә күрһәтелде, тип хәбәр итә республиканың Эшҡыуарлыҡ һәм туризм министрлығы.

— Социаль контракттар эшҡыуарлыҡ әүҙемлеген дәртләндереү өсөн һөҙөмтәле ҡорал булып тора. Был килешеүҙәр бизнесҡа финанс ярҙамы күрһәтә, - ти Башҡортостандың Эшҡыуарлыҡ һәм туризм министры Светлана Верещагина.

2023 йылда Фидрат Хәбиров тәүге ағас ҡырҡыу машинаһын һатып ала һәм дуҫтары менән утын әҙерләй башлай. Әммә тиҙҙән яңы эш башлаусы эшҡыуар команданың энтузиазмына һәм тырышлығына ҡарамаҫтан, етештереү күләмдәрен ярайһы уҡ арттырыу өсөн заманса технологиялар һәм ҡорамалдар кәрәклеген аңлай.

Саҡмағош районында «Минең бизнесым» үҙәге офисында уға ярҙам саралары тураһында кәңәштәр биргәндәр һәм ентекле бизнес-план әҙерләргә ярҙам иткәндәр. 350 мең һум аҡса йәш бизнесменға ағас әҙерләү өсөн ҡорамал һәм инвентарь һатып алырға ярҙам итә. Был аҙым уның бизнесын шәхси эшҡыуар статусында рәсми теркәүгә ярҙам итә.

Йәш эшҡыуар ағас эше цехы асырға планлаштыра, был уға ишектәр, баҫҡыстар һәм мебель етештерергә мөмкинлек бирәсәк.

Яңыртылған милли проекттар Рәсәй Президенты Владимир Путиндың ҡарары буйынса 2025 йылдан тормошҡа ашырыла.