Беҙҙең заман геройы...

Был абруйлы награда йәштәрҙең һәм йәштәр менән эшләүсе, инновацион проекттар булдырыусы һәм киләсәгебеҙ ҡиммәттәрен формалаштырыусы белгестәрҙең лайыҡлы хеҙмәттәрен билдәләй.
Конкурста беҙҙең яҡташыбыҙ Үркәс ауыл биләмәһе башлығы Фәдис Сәғитов«Беҙҙең заман геройы» номинацияһында еңеүсе булды. Тантаналы осрашыуҙа шулай уҡ юғары уҡыу йорттары студенттарының, йәш ғалимдарҙың, эшҡыуарҙарҙың, волонтёрҙарҙың һәм мәҙәниәт эшмәкәрҙәренең ҡаҙаныштары ла билдәләнде.

Бүләкләү тантанаһы Башҡортостан Республикаһы хөкүмәте вәкилдәре, йәмәғәт ойошмалары һәм билдәле мәҙәниәт һәм фән эшмәкәрҙәре ҡатнашлығында үтте. Башҡортостан Республикаһының йәштәр сәйәсәте министры Вито Сабиров йәштәрҙең башланғыстарын хуплау мөһим икәнен билдәләне һәм республика йәштәренең үҫешенә һәм сәскә атыуына ҙур өлөш индереренә ышаныс белдерҙе. «Йәштәр заманы» премияһы – ул лайыҡлы хеҙмәттәрҙе таныу ғына түгел, ә киләсәккә этәргес, йәштәрҙе яңы проекттарға һәм ҡаҙаныштарға илһамландырыусы көс тине ул.
Фәдис Риф улын ошо лайыҡлы наградаһы менән ҡотлап, эшендә уңыштар һәм ныҡлы һаулыҡ теләйбеҙ!

Фото: БР Йәштәр сәйәсәте министрлығының матбуғат хеҙмәте.