+24 °С
Ямғыр
Новости
5 Март , 01:50
Ҡатын-ҡыҙ янында тормош йәмле
Бөйөк Мостай заманында бына тип яҙа: "Яҡшы аттар менән затлы ҡатындарҙың бер рухтан яралыуы тураһында мин ғүмер баҡый тылҡыным. Юҡ, бәғзе ҡатындар¬ҙың яҡшы нәҫел-нәсәбе тураһында ғына әйтмәйем. Хәйер, нәҫел дәрәжәһе үҙе бер бәрәкәт: тамыры баҡыр ағастың сатыры алтын булмаҫ. Әммә шундай ҡатындар килә был донъяға, уларҙың яралыуында, бар булыуында илаһи уттың ҡатнашы күҙгә бәрелеп тора...
Был илаһи юлдар тап һеҙҙең өсөн, гәзитебеҙҙең байрам һанын ҡулына алып уҡып ултырған һәр гүзәл зат өсөн төбәп әйтелгән кеүек. Эйе, уңған һәм сибәр, дәртле һәм сәмле, тыйнаҡ һәм сая, моңло һәм рухлы ҡатын-ҡыҙҙар йәшәй беҙҙең ауылдарыбыҙҙа.
Халҡым, ерем, телем тип янып йәшәгән ҡатын-ҡыҙҙарыбыҙ үҙҙәренең эше, хеҙмәте, йәмғиәттәге тотҡан урыны менән йәшәйешебеҙҙе йәмләй һәм биҙәй. Аҡ яулыҡлы ағинәй, бөтмөр хужабикә, бәхетле ир ҡатыны, әсәй, һөйөклө ҡыҙ һәм уңған килен, кешелекле, шул уҡ ваҡытта талапсан да етәксе, ауыл тормошонда ҡайнап йәшәгән йәмәғәтсе... Ошо төшөнсәләрҙә һеҙҙең әллә күпме булмышығыҙ, ҡаҙанышығыҙ сағылыш тапҡан...
