+21 °С
Болотло
Новости
11 Март , 08:45
Яугир әсәләре менән осрашыу үтте
Халыҡ-ара ҡатын-ҡыҙҙар көнө алдынан, район хакимиәте башлығы Борис Мелкоедов үҙәк китапханаһында махсус хәрби операцияла ҡатнашыусы яугирҙәрҙең ҡатындары һәм әсәләре менән осрашты. Ул батыр тәрбиәләгән әсәләргә һәм егеттәргә ныҡлы терәк булған ҡатындарын байрам менән ҡотланы һәм оло рәхмәт һүҙҙәрен еткерҙе.
Осрашыу сәй табынында, йылы мөхиттә үтте. Түңәрәк өҫтәлдә ҡатнашыусылар үҙҙәрен ҡыҙыҡһындырған һорауҙарға яуаптар алды һәм 8 март байрамы хөрмәтенән сәскә гөлләмәләре менән бүләкләнде.
Шулай уҡ был көндө район мәҙәниәт йортонда Ватанды һаҡлаусылар көнө һәм 8 март байрамы айҡанлы мәҙәниәт хеҙмәткәрҙәре, балалар ижад йорто берекмәһе һәм «Ҡайынҡай» балалар баҡсаһы тәрбиәләнеүселәре ҡатнашлығында концерт ойошторолдо. Район хакимиәт башлығы ир-егеттәрҙе һәм ҡатын-ҡыҙҙарҙы байрам менән ҡотлап изге теләктәрен еткерҙе.
Мәҙәниәт йорто бинаһында храйон китапханаһы коллективы әҙерләгән матур фотозона булдырылған ине.
