+24 °С
Ямғыр
Новости
13 Апрель , 06:45
8 муниципалитетта юлдарҙы һәм күперҙәрҙе һыу баҫҡан
Ғәҙәттән тыш хәлдәр министрлығының Башҡортостан буйынса баш идаралығынан яҙғы ташҡын буйынса оператив хәл тураһында хәбәр иттеләр.
8 муниципалитетта юлдарҙы һәм күперҙәрҙе һыу баҫҡан
матбуғат хеҙмәте | Башҡортостан буйынса Ғәҙәттән тыш хәлдәр министрлығының баш идаралығыматбуғат хеҙмәте | Башҡортостан буйынса Ғәҙәттән тыш хәлдәр министрлығының баш идаралығы
Әлеге ваҡытта ҡотҡарыусылар һигеҙ муниципалитетта туғыҙ юл участкаһын (тәүлек эсендә +1), өс тәпәш күперҙе һәм 52 йорт яны участкаһын һыу баҫыуға бәйле 13 осраҡты контролдә тота.
«Һыу баҫҡан йорттар һәм зыян күреүселәр юҡ, — тип билдәләнеләр Ғәҙәттән тыш хәлдәр министрлығының Башҡортостан буйынса баш идаралығында. — Республиканың һыу объекттарында хәлде тәүлек әйләнәһенә күҙәтеү ойошторолған. Ғәҙәттән тыш хәлдәр министрлығының оператив төркөмдәре эшләй, пилотһыҙ авиация системалары ҡулланыла».
Башинформ хәбәр иткәнсә, быйыл Башҡортостанда ташҡындың уртаса кимәлдә булыуы көтөлә. Ағиҙелдә һыуҙың 640-740 сантиметрға, ә Ҡариҙелдә 630-730 сантиметрға тиклем күтәрелеүе фаразлана.
