Өфөлә тәүге тапҡыр бокс буйынса Рәсәй гвардияһы чемпионаты үтә

Сарала Волга буйы федераль округының 18 командаһынан йөҙҙән ашыу хәрби ҡатнаша. Чемпионат ойошманың 10 йыллығына һәм Рәсәйҙә хоҡуҡ һаҡлау органдары ойошторолоуға 215 йыл тулыуға арналған. Быйыл йәй еңеүселәр 16 спорт төрө буйынса бөтә Рәсәй спартакиадаһында ҡатнашасаҡ. Ведомство етәкселеге билдәләүенсә, Росгвардия хеҙмәткәрҙәре өсөн спорт эштең айырылғыһыҙ өлөшө булып тора һәм хеҙмәт бурыстарын үтәүҙә ярҙам итә.