Йәнә йылы көндәр килә...

18 августа төндә республикала, көндөҙ урыны менән ҡыҫҡа ваҡытлы ямғыр яуыуы фаразлана. Ҡайһы бер райондарҙа йәшен, төндә һәм иртән томан. Ел көнбайыштан талғын, йәшен ваҡытында көсәйеүсән. Һауа температураһы төндә +6, +11°, көндөҙ +18, +23°, көньяҡ-көнсығышта +28° етеүе мөмкин.

19 августа урыны менән ҡыҫҡа ваҡытлы ямғыр яуыуы көтөлә. Ел талғын. Һауа температураһы төндә +8, +13°, көндөҙ +22, +27°.

20 августа урыны менән ҡыҫҡа ваҡытлы ямғыр, төндә яуым-төшөмһөҙ. Ел йүнәлешен үҙгәртеүсән, көндөҙ көньяҡ-көнбайыштан талғын. Һауа температураһы төндә +8, +13°, көндөҙ +22, +27°.