Радий Хәбиров «Патриот» паркын үҫтереү һәм яңыртыу барышы менән танышты

28 августа, Радий Хәбиров Рәсәй Геройы Максим Серафимов исемендәге «Патриот» хәрби-патриотик паркында булды. Башҡортостан Башлығы территорияның үҫешеүен билдәләне, шулай уҡ паркка курсанттарға күрһәтеү өсөн совет һәм Рәсәй ҡоралының макет өлгөләрен тапшырҙы.

«Патриот» паркының генераль директоры Айнур Сәлимгәрәев матди-техник базаны нығытыу тураһында һөйләне. Әлеге ваҡытта бассейнлы заманса спорт комплексы һәм рухи-ағартыу үҙәген төҙөлөшө дауам итә.

Техник парк та киңәйтелә. Атап әйткәндә, тиҙҙән бында «Патриот» биләмәһе буйлап төрлө йөк ташыу өсөн электр транспорты буласаҡ, шулай уҡ хәрби техника экспозицияһы тулыландырыласаҡ.

Ваҡиғаларға килгәндә, паркта күп һанлы саралар үткәреү ҡаралған. Мәҫәлән, бөгөндән алып 9 сентябргә тиклем «Патриот» паркы «Экологик именлек» милли проекты сиктәрендә ойошторолған «ГеоСаҡырыу» IV Халыҡ-ара геология чемпионатында ҡатнашыусыларҙы ҡабул итә. Ярыштарҙа Рәсәйҙең 19 төбәгенән һәм донъяның 13 иленән 300-ҙән ашыу студент ҡатнаша.

Шулай уҡ бында оҙаҡламай һаулыҡ мөмкинлектәре сикләнгән балалар өсөн «Геройҙар биләмәһе» патриотик слеты үтәсәк. Ә октябрь башында паркта уҡыусылар өсөн йыл һайын ойошторолған уҡыу сборҙары башлана.