Сүп-сар майҙансығына яңы контейнерҙар ҡуйылды

Көйөргәҙе районы хакимиәтенән хәбәр итеүҙәренсә, Ермолаево ауылында ҡаты коммуналь ҡалдыҡтарҙы йыйыу өсөн өр-яңы контейнерҙар ҡуйылды. Уларҙы Рәсәй Президенты Владимир Путиндың май указы менән раҫланған “Экология” милли проектының (национальный проект “Экология”) “Ҡалдыҡтар менән комплекслы эш итеү системаһы” федераль проектына ярашлы Башҡортостандың Тәбиғәттән файҙаланыу һәм экология министрлығы һатып алған.