Каникулдар күңелле үтте

Йәмле йәйҙән һуң, мәктәп партаһы артына ултырған уҡыусылар өсөн түҙемһеҙлек менән көтөп алған беренсе каникул да етте. Балаларҙың ялы күңелле һәм файҙалы үтеһен өсөн Шәйехзада Бабич  исемендәге башҡорт гимназия педагогтары бар көсөн һала. Балалар өсөн төрлө ҡыҙыҡлы кисәләр үткәрһендәрме, экскурсиялар ойошторһондармы, спорт ярыштары булһынмы- былар барыһы ла каникул вакытында балаларҙың уҙ -үҙенә тапшырылып телефон, компьютерҙа ултырмаһын, тигән маҡсат менән башҡарыла.   Балаларҙың ни тиклем яҡшы ял итеүе,  уларҙың алдағы уҡыу кимәленә бәйле булыуын уҡытыусылар яҡшы аңлай. Шуны күҙ уңында тотоп,  көҙгө  каникулдар ваҡытында  гимназияның  Шайморатов кластары өсөн педагогтар Халыҡтар берҙәмлеге көнө алдынан  мауыҡтырғыс  сара ойошторҙо.

Кисәнең беренсе өлөшөндә   балалар  Рәсәй, Тыуған ил  тураһында шиғырҙар, йырҙар тыңлағандан һуң, ҡыҙыҡлы викторина  һорауҙарына яуап бирҙеләр. Тарих уҡытыусылары Елезавета Шаранова һәм Ксения Вережан әҙерләгән видеояҙма ярҙамында  байрамдың килеп сығыу тарихы, уның ни өсөн тап 4 ноябргә тура килеүе хаҡында ҡыҙыҡлы мәғлүмәттәр менән  таныштылар. Һуңынан гимназияның спорт залында күңелле спорт уйындарына старт бирелде. Балалар ике командаға бүленеп арҡан тартыу, эстафета, туп ташлау, винтовканы ваҡытҡа һүтеп йыйыу кеүек ярыштарҙа көстәрен һынап ҡаранылар. Сәмле ярышта берәүҙең дә ал биргеһе килмәне,  һөҙөмтәлә ике команда ла еңеүсе тип табылды.

Шайморатовсыларҙың көҙгө каникулдары файҙалы һәм күңелле үткәндер, башланасаҡ симестрҙы яңы көс һәм дәрт менән башларҙар, тигән өмөттә ҡалабыҙ.