Күңелендә - рух, йөрәгендә - телгә һөйөү йөрөтөүселәр

Был олимпиадала районыбыҙ намыҫын дүрт уҡыусы яҡланы. Уның һөҙөмтәләре буйынса, йөкмәтелгән һынауҙарҙы уңышлы үтеп, Йылайыр ауылының Шәйехзада Бабич исемендәге башҡорт гимназияһының 11-се класс уҡыусыһы Ғәзизә Ҡолһарина (етәксеһе Әнисә Әкрәм ҡыҙы Такаева) призёрҙар иҫәбенә инде. Юлдыбай урта мәктәбенең 11-се класс уҡыусыһы Камелия Булатова (етәксеһе Фирҙәүес Әбделхаҡ ҡыҙы Ҡашҡарова) Өфө һәм фән технологиялар университетының «Аманатҡа тоғролоҡ» номинацияһында еңеү яуланы. Башҡортостан Республикаһының мәғариф һәм фән министрлығының ҡатнашыусы дипломы менән бүләкләнеүселәр – Матрай урта мәктәбе уҡыусыһы Амалия Сөләймәнова (етәксеһе Әлфиә Ғәббәс ҡыҙы Ҡаҙаҡҡолова) һәм Йылайырҙағы Шәйехзада Бабич исемендәге башҡорт гимназияһы уҡыусыһы Лиана Әбделмәнованы (етәксеһе Әнисә Әкрәм ҡыҙы Такаева) уңыштары менән ихлас күңелдән тәбрикләйбеҙ!

Уҡыусыларҙы әҙерләгән, һәр саҡ яндарында булған, ярышҡа сәм уятҡан уҡытыусыларға һәм районыбыҙ данын яҡлап ҡатнашҡан балаларға артабан да уңыштар, яңынан-яңы үрҙәр теләйбеҙ!